Prije dvije sedmice danska ekipa je bila ubjedljiva pred svojim navijačima 3:0 i jasno je da “plave” čeka jako težak zadatak.
“Očekujemo pobjedu, idemo na to, ekipa se sprema veoma jako, treniramo i analiziramo protivnika, koristićemo njihove boljke za naš bolji rad. Dobra su ekipa, imaju kompaktnost i nadam se najboljem”, kazao je Lazar Popović.
Matija Rakčević očekuje težak meč, ali vjeruje u pozitivan ishod.
“Očekujemo jednu tešku utakmicu, Midtjiland je odlična ekipa, znamo rezultat, probaćemo da im izađemo visoko, i da ih natjeramo na grešku. Prošle godine su ispali u četvrfinalu ovog takmičenja, sigurno da imaju više iskustva od nas, ali mi imamo neke šanse i probaćemo da ih iskoristimo uz podršku publike”, poručio je Rakčević.
Utakmica na stadionu “pod Goricom” igra se sjutra, sa početkom od 17 sati.
