U skoku, šut preko table koji je ušao, ostaje nešto što će da se pamti u “Jazinama” – momentum je promijenjen, a derbi ide na jednu stranu. Taj rijetko viđeni pogodak bio je simbol večeri u kojoj je Zadar pred svojim navijačima savladao Split rezultatom 82:67, u utakmici 19. kola hrvatskog prvenstva.
Mihailović je bio prvo ime susreta sa 24 poena, šest asistencija i tri skoka. Veliki doprinos dao je i Boris Tišma sa 15 poena i devet skokova, dok je Borna Kapusta dodao 10 poena, uz pet asistencija i četiri skoka. Kod Splita se istakao Antonio Sikirić sa 17 poena i četiri skoka, dok je Dario Drežnjak upisao 13 poena, tri asistencije i šest skokova.
Zadrani su se tako revanširali Splićanima za poraz iz prvog dijela sezone, kada je Split na domaćem parketu slavio 88:82 nakon produžetka. Ovoga puta, u legendarnim Jazinama, priča je imala drugačiji tok i daleko jasniji završetak.
Derbi je imao svoje faze, svoje serije i svoje odgovore, ali jedan detalj je ostao iznad svega Mihailovićev pogodak.
U Jazinama se takvi koševi pamte dugo.
