Bojanović je naveo da je zbog nepristupačnog terena još jutros tražio podršku iz vazduha, kao i vatrogasce na ovoj lokaciji.
“Požar je večeras uspješno lokalizovan. Stanje je za sada dobro. Kontaktirali smo i mještane, koji su nam kazali da je ostalo još malo na nekim mjestima u stijenama da dimi, ali bez opasnosti. Ujutro ćemo provjeriti kakvo je stanje i ako bude imalo potrebe ponovo djelovati”; kazao nam je Bojanović.
On je naveo da su do 20 časova osim u mjestu Stravče ugasili požare na osam lokacija – Trešnjica, Kuči, Komani, Kuće Rakića, Zabjelo, Drezga, Barutana i Stara aerodrom.
Bojanović je kazao da nije bilo većih požara.
