Meč između dva tima riješen je bio već u prvom poluvremenu, kada je ekipa Arsenala postigla tri pogotka u samo 12 minuta. Cetinjane je “načeo” Nedjeljko Kovinić golom u 27 minutu, da bi nakon samo sedam minuta postigao još jedan pogodak i tako povisio prednost Tivćana na 2:0.

Nakon samo pet minuta, u 39. minutu, treći gol za Arsenal postigao je Julijan Montenegro, pa je tako ekipa iz Tivta otišla na pauzu sa velikih tri nula.

Drugo poluvrijeme je bila čista formalnost, a Arsenal je u 76. minutu, golom sa bijele tačke Ćetka Manojlovića, stiao do velikij 4:0 i tako ugasio sve šanse Lovćena da će iduće godine igrati Prvu ligu.

Drugi duel baraža za Prvu ligu igra se između Rudara iz Pljevalja i Jezera iz Plava.