Engleska je opravdala ulogu favorita protiv naše selekcije – 5:0. Čak četiri gola postigle su Engleskinje u prvom poluvremenu, zahvaljujući Ejbi N’Drin, koja je dva puta pogađala, Kejti Skot i Zoi Ćikardini. U posljednjim trenucima utakmice Izabela Kauli postavila je konačan rezultat.
– Ušli smo u utakmicu prilično uplašeni i zbunjeni, posljedica toga su golovi u prvom poluvremenu. Mnogo bolje smo igrali u nastavku, jer smo se organizovano branili. Ostaje žal za primljenim petim golom u nadoknadi utakmice, bukvalno u posljednjim sekundama meča, kazao je selektor Mirko Marić.
Crna Gora je turnir u Poljskoj završila sa bodom iz tri utakmice, osvojenim u duelu sa Češkom. Osim od Engleske, poražena je i od domaćina turnira.
