“Kraljevi” su se nakon treće vezane ligaške pobjede (četvrte u svim takmičenjima) učvrstili na drugoj poziciji sa 45 bodova, četiri manje od vodeće Barselone. Betis je s druge strane prekinuo niz od četiri meča bez poraza i ostao šesti na tabeli sa 28 bodova.
Iako bez prvog strijelca Kilijana Mbapea, Madriđani su uspjeli možda i lakše od očekivanog da upišu tri boda.
Meč je obilježio Gonsalo Garsija koji je upisao het-trik.
Igrao se 20. minut kada je upravo Garsija pogodio glavom nakon ubacivanja Rodriga iz prekida.
Isti igrač podebljao je prednost u petom minutu nastavka sjajnim volej udarcem.
Šest minuta kasnije sve dileme oko pobjednika otklonio je Raul Asensio poslije kornera koji je izveo Rodrigo.
Na 3:1 smanjio je Kućo Ernandez u 66. minutu.
Garsija je kompletirao het-trik u 82. minutu kada je efektno pogodio petom, a još jedan Garsija, Fran, postavio je konačan rezultat u trećem minutu sudijske nadoknade.
