Trener Atalante Rafaele Paladino nakon utakmice nije krio zadovoljstvo učinkom crnogorskog napadača, posebno ističući njegov karakter i odnos prema timu.
„Odigrao je veliku utakmicu, njegov karakter je izuzetan“, poručio je Paladino u izjavi za DAZN.
Strateg Atalante dodatno je naglasio da Krstovićev doprinos prevazilazi golove i statistiku.
„Nikola je uvijek imao pravi stav, čak i kada je bio van tima i nije igrao. Uvijek je trenirao punim intenzitetom. On je pozitivan primjer i sada zaslužuje sve ove hvalospjeve“, dodao je Paladino.
Posebno je istaknuta Krstovićeva uloga u timskoj igri i presingu, segmentu koji Atalanta sve više koristi kao svoje oružje.
„Sviđa mi se, jer je pokretačka snaga za saigrače. Svi igrači u ofanzivi rade dobro, oni su prvi koji vrše visok pritisak, kao što smo vidjeli protiv Kremonezea“, istakao je trener Atalante.
